МНР ја осуди изјавата на лидерот на бугарска „Преродба“, Костадин Костадинов

Министерството за надворешни соопшти дека „силно ја осудува објавата на лидерот на бугарска политичка партија „Преродба“, Костадин Костадинов, и актуелен пратеник во Народното собрание на Бугарија, на Фејсбук, со која изразува јасни територијални претензии кон нашата држава. Таквите злонамерни изјави на официјални личности од бугарската политичка сцена се директен напад на суверенитетот, интегритетот и независноста на нашата држава и истовремено се во директна спротивност со правилата и принципите на меѓународното право, немешањето на државите во нивните внатрешни работи и политиката на градење добри меѓусоседски односи, се наведува во реакцијата на македонското МНР.

Министерството ја оценува изјавата на Костадинов како недолична и непримерна и очекува да биде отфрлена од официјална Софија.