Доналд Трамп денеска се враќа во Белата куќа, најави промени без преседан

Под засилени безбедносни мерки, денеска ќе биде инаугуран Доналд Трамп за 47-ми претседател на Соединетите Американски Држави. Трамп ќе положи заклетва на две библии. Вчера изјави дека ќе ја врати гордоста на Америка. Најави промени без преседан.

„Возбуден сум што се вратив со толку многу пријатели, поддржувачи и вистински американски патриоти. Утре напладне се затвора завесата на четирите долги години американски пад. И започнуваме сосема нов ден на американската сила и просперитет, достоинство и гордост. Ќе ставиме крај на владеењето на неуспешниот и корумпиран политички естаблишмент во Вашингтон и неуспешна администрација“, изјави Трамп.

Ова е 60-та претседателска инаугурација во САД и втора инаугурација на Трамп како претседател. На потпретседателската функција ќе биде назначен Џеј Ди Венс. Настанот ќе се состои од церемонија за полагање заклетва, церемонија за потпис, инаугуративен ручек, процесија и парада. За свеченоста се очекуваат околу 200 илјади гости.

Од Вашингтон известува Стојан Трпчевски