Струмичани со марш против загадениот воздух
Струмичани протестираа по улиците и од надлежните побараа чист воздух. Според нив локалната и централната власт ќе мора да најдат решенија оти се трујат граѓаните, а Струмица последниве години стана најзагаден град не само во земјава туку и во Европа...
Струмичани со протестен марш го изразија својот револт што институциите не го решаваат проблемот со загадениот воздух. Со години Струмица е меѓу најзагадените градови во земјава. Досега никој не е казнет, а граѓаните се трујат.
Јавно да се објават кои фабрики, какви филтри имаат поставено и што испуштаат во воздухот, побараа екоактивистите од локалната и државната власт кои сметат дека казни мора да има.
Или чист воздух или граѓански отпор, ова беше крајната порака на струмичани кои протестот го завршија пред општинската зграда.
Ване Трајков