Концесии за риболов
Концесионери за рекреативен риболов за две риболовни зони можат да се јават на објавениот јавен повик. Концесијата трае 12 години, а идниот корисник ќе биде избран со електронско наддавање. Крајниот рок за аплицирање е 30 дена од објавувањето на огласот до кога можат да се пријават и риболовните здруженија…
Концесиите за организирање на рекреативен риболов за две зони што го опфаќаат риболовните подрачја Шпиље и Мавровица се за период од 12 години.
Право на учество на Јавниот повик имаат домашни и странски правни лица регистрирани за дејноста рибарство и риболовни здруженија кои имаат право да конкурираат за повеќе места.
Покрај другите документи потребно е да се достави и доказ дека барателот ја има потребната опрема и вработени за вршење на рибочуварската служба, односно има доволен број членови доколку се работи за риболовно здружение.
Критериум според кој ќе се врши изборот е највисокиот понуден надоместок на електронското наддавање.
Надоместокот за концесија за рекреативен риболов е најмалку 10 проценти од вредноста на издадените дозволи на годишно ниво.
Краен рок за поднесување на понудите е 30 дена од објавувањето на огласот на 11 јануари годинава.
Методија Трајков