Постигнат договор за нова влада во Германија

Шест недели по предвремените избори, Германија има нова влада. Демохристијанскиот и христијанско социјалниот блок постигнаа коалициски договор со социјалдемократите. По ова ќе следува избор на Фридрих Мерц за нов канцелар во Бундестагот.

„Ова е сигнал за новиот почеток во нашата држава. Идната владина коалиција ќе ја реформира Германија во стабилна, побезбедна и економски посилна држава. И Европа ќе може да се потпре врз Германија“, изјави Фридрих Мерц-лидер на демохристијанската партија.