Нова стратегија за образование на возрасните
Со нови вештини полесно на пазарот за труд. Промовирана новата стратегија за образование за возрасни. Се усогласува со европската агенда за вештини.
Новата стратегија за образование на возрасните 2025-2030 се усогласува со европската агенда за вештини. Новините предвидуваат подобрување на квалитетот и ефикасноста на учењето за возрасни кои имаат ниски квалификации и се невработени. На промоцијата на новиот документ, министерката Јаневска посочи дека приоритет се програмите за доквалификација и преквалификација за стекнување на вештини кои се најбарани.
Новина во стратегијата е верификација на посебни програми за неформалното образование на возрасни и акредитација на даватели на услуги кои ги спроведуваат програмите. За доедукација може да аплицираат сите заинтересирани, пријавите треба да ги достават до Центарот за образование на возрасни.
Новата стратегија е дел од најавените реформи, а со брзите промени на пазарот на трудот, образованието за возрасни стана еден од клучните фактори во подготовката на земјава за интеграција во Европската унија, стои во документот.
Викторија Милевска