Протестен марш за Крива Река

Зелен Хуман Град денеска на марш за, како што велат, загадувањето на Крива Река. Од пред Министерството за животна средина и просторно планирање, се маршира до пред Државниот инспекторат за животна средина. Велат „институциите што требаше да ја спречат и превенираат хаваријата во рудникот Тораница не само што дозволија да се случи, туку и затаија“.

Зелен Хуман Град порачува – не е важно дали си независен, партиски поддржувач, активист, апатичен, млад, стар, жена, маж, дете, куче, риба или птица. Важно е дека сите пиеме иста вода, дишеме ист воздух и јадеме храна од истата загадена почва. И сите ќе ја платиме цената.