30-дневен притвор за деветмина осомничени за криминал со туѓа нега и инвалидски пензии

Судии на претходна постапка од Кривичниот суд, на 9 лица, осомничени за злоупотреба на медицинска документација за туѓа нега и инвалидски пензии им определи мерка притвор од 30 дена, 5 лица добија куќен притвор, а на 9 им определија мерки на претпазливост, односно обврска да се јавуваат во судот или на овластено службено лице и привремено одземање на патната исправа. Против овие решенија странките имаат право на жалба пред кривичниот совет.

Во истрагата на Обвинителството за организиран криминал и корупција се опфатени 49 лица, 23-ца беа спроведени во судот, а едно лице сè уште не е недостапно за органите на прогон.

Осомничени се за повеќе кривични дела, а поврзани со злоупотреби со утврдување услови за добивање парична помош за туѓа нега и помош за лица со попреченост и неспособност за самостојно живеење.

Во шемата влезени се лекари, вешто лице, членови на комисијата за оценка на работната способност, адвокат, но и други службеници.