Ѓоковиќ- Алкараз полуфинале на УС Опен

Српскиот тенисер Новак Ѓоковиќ ноќеска го победи Американецот Тејлор Фриц во четвртфиналето на турнирот на Отвореното првенство на САД со 6:3, 7:5, 3:6 и 6:4.

Мечот траеше 3 часа и 27 минути. Триесет и осумгодишниот Србин сервираше 10 аса, направи осум двојни грешки и реализираше четири од девет брејк топки.

Следниот противник на Ѓоковиќ ќе биде Шпанецот Карлос Алкараз кој вчеравечер го победи Јиржи Лехечка од Чешка со максимални 3:0.

Вкупниот награден фонд на Грен слемот УС Опен изнесува 90 милиони долари.