Крај за дивите депонии и пунктови за смет во Тетово - ветува кандидатот на НАИ, Реџепи
Целосно отстранување на дивите депонии и темелно чистење на градот што ќе стане практика – ова го ветува кандидатот за градоначалник на Тетово од НАИ, Бајрам Реџепи. Тој има големи критики за хигиената во градот и рече дека Тетово ќе се чисти постојано, а не кампањски како досега...
Тетово заслужува да е чист град, имам стратегија за тоа, вели кандидатот за градоначалник од редовите на НАИ, Бајрам Реџепи.
Крај за сите диви депонии и пунктови за смет им ветува на тетовчани. Градот ќе се чисти секојдневно, а не еднаш во месецот како досега, ветува Реџепи.
Тетово треба да донесе надеж за младите, бидејќи е убав и мултиетнички град, вели Реџепи.
Тетовчани треба да се сигурни дека тоа што го ветил ќе го исполни, затоа што тоа и го докажал на функциите кои ги извршувал, рече Реџепи.
Фиљана Кока