Петар Јанков ја презеде градоначалничката функција во Општина Струмица
Кандидатите за градоначалници кои победија во првиот круг почнаа да ги преземаат функциите. Во Струмица веќе се случи промената. Попладнево, Костадин Костадинов ја напушти, а Петар Јанков седна во градоначалничката фотелја …
Со добивањето на значката со грбот на општина Струмица, Петар Јанков ја презеде градоначалничката функција од досегашниот Костадин Костадинов. Јанков се заложи на посветена работа а прва задача ќе му биде скенирање на состојбите во локалните јавни претпријатија.
Костадинов кој точно четири години ја водеше Општина Струмица на новоизбраниот Јанков му посака успех и автономност во одлучувањето. Кажа дека му остава и проекти кои треба да се реализираат со пари од централниот буџет.
Денеска уверенијата ги добија и новоизбраните членови во Советот каде ВМРО-ДПМНЕ има 13 мандати, 8 СДСМ и по еден ЗНАМ и Левица.
Ване Трајков