Стратешкото единство не е политички избор, туку визија за интегриран пристап

Војната во Украина предизвикаа непредвидени закани на европскиот континент кои бараат зајакнување на стратешкото партнерство и одбраната – во фокусот на дебатата за приоритетите на НАТО и ЕУ. Шефот на дипломатијата Муцунски нотираше дека во Западен Балкан има засилени активности со антиевропски наративи, кои ја загрозуваат безбедноста. Истакна дека стратешкото единство не е политички избор, туку визија за интегриран пристап, и посочи дека сега е моментот за политичка одлучност која ќе обезбеди стабилност во регионот.

Германската амбасадорка Петра Дрекслер со став дека само силна и обединета Европа може да гарантира мир. Во тој контекст, таа ја истакна стратешката цел на ЕУ-проширувањето на Унијата.

Потпретседателот на Собранието, Антонијо Милошоски, во тој контекст посочи дека долгото одложување на пристапните преговори резултира со пораст на евроскептицизмот во земјава.

Заменик-генералниот секретар Радмила Шекеринска, ја потенцираше поддршката на Алијансата кон Украина. Вели дека фокусот е на заедничките одбранбени капацитети во соработка со ЕУ, креаторот на надворешната политика и финансиската поддршка.

Американската амбасадорка со став „мирот не е гарантиран без трошоци“. Таа порача дека сојузниците во Алијансата секој одделно, треба да се посветат на зголемување на буџетот и капацитетите за одбрана, а со тоа и НАТО ќе биде посилен.

Професорот од Факултетот за безбедност, Ѓуровски ја нагласи потребата од приспособување на геополитичките промени.

Учесниците на дебатата дискутираа и за економското влијание на Кина, нејзиниот брз техничко-технолошки развој, како и стратегиите и мерките за негово намалување.

Марина Стојанова-Тонева