Променливо облачно со дожд и снег

Променливо облачно со повремени локални врнежи од снег, а во пониските места од дожд и снег. Ќе дува умерен, наместа повремено засилен ветер од северозападен правец (над 60 km/h).

Во Скопје, променливо облачно со повремен дожд и услови за слаб снег, особено кон крајот на денот и во текот на ноќта. Ќе дува умерен ветер од северен правец.

Температурите денес ќе се искачуваат во интервалот од 0 до 7 степени, а во Скопје и околината температурата ќе се искачи до околу 3/4 степени. На повисоките населени и планински места температурите ќе бидат под нулата и преку ден.