„Стоп за УСЈЕ“ за денеска најави нов протест

Иницијативата „Стоп за УСЈЕ“ за денеска најави протест со блокирање на крстосницата кај цементарницата, барајќи итен независен мониторинг и институционална реакција против загадувањето. Граѓаните изразуваат длабока недоверба кон сопствените мерења на фабриката и пасивноста на државата, додека Скопје континуирано се соочува со критични нивоа на аерозагадување, велат организаторите.

Денешниот, втор протест и блокада на сообраќајот се најавени за 18 часот. Локацијата на протестот е крстосницата помеѓу булеварот „Борис Трајковски“ и булеварот „Србија“, која претставува клучна сообраќајна артерија што води кон индустрискиот капацитет.