СДСМ нема да ги поддржи измените на Законот за прекршоци
Според претседателот на партијата, Филипче, предложеното законско решение не е комплетно. Вели, дека се залагаат за безбедност во сообраќајот, но се сомневаат во контролата на податоците.
Нема да го поддржат Законот за прекршоци-одлучи Социјалдемократскиот сојуз, на само два дена пред собраниската седница на која пратениците ќе гласаат за Законот. Според претседателот на партијата, Филипче, предложеното законско решение не е комплетно. Вели, дека се залагаат за безбедност во сообраќајот, но се сомневаат во контролата на податоците.
Спасуваме животи – истакна министерот за внатрешни работи Панче Тошковски од собраниската говорница. Тој посочи на неколкукратно намалениот број на жртви во сообраќајот во тест-периодот од два месеца, во споредба со претходната година во истото време. Граѓаните покажаа дека и без ефектуирани казни, умеат да ги почитуваат сообраќајните правила – вели Тошковски.
За усвојување на пакетот закони потребно е двотретинско мнозинство. ДУИ најави поддршка за проектот „Безбеден град“ кој од 1-ви февруари ќе треба да стапи во функција. На почеток ќе санкционира четири сообраќајни прекршоци.
Марина Стојанова Тонева