Од недела казни преку проектот „Безбеден град“, глобите од 15 до 500 евра

Возачите ќе платат од 15 до 300 евра ако ја пречекорат брзината. Ако поминат на црвено, глобата чини 250 евра, но ќе добијат и забрана за возење од 3 до 12 месеци. Непрописно паркирање ќе им го испразни џебот од 25 до 180 евра, а управување со нерегистрирано возило петстотини евра. Ги обиколивме булеварите и сообраќајниците каде се поставени камерите на системот „Безбеден град“. Кои 24 часа го следат сообраќајот и автоматски детектираат прекршоци и на поголеми крстосници, клучни влезови и излези од градот. Сензитивно е на влезот од Скопје од страната на Петровец. Од 120 километри на час ќе мора со влезот во метрополата брзината да се намали на 50 километри на час, колку што е дозволено низ целиот град. Камерата забележа дека и онаму каде нема поставено безбедносни камери не се вози повеќе ова ограничување. Факт е дека има континуирана тенденција на намалување на регистрираните прекршувања.

Предупредувањата имаат ефект врз подигнувањето на нивото на сообраќајна дисциплина. Од 1-ви февруари следуваат казни ако камерите детектираат прекршоци.

Доколку казната се плати во рок од 8 дена се плаќа 50% од глобата, а ако има забрана за управување со моторно возило се изрекува половина од пропишаниот рок.

Ана Јосифоска