Утрово најстудено во Берово, најмногу снег на Попова Шапка

Утрово најстуден град во Македонија беше Берово со -5 степени. На Попова Шапка беа измерени -4 степени, додека во Скопје, Крива Паланка, Велес, Тетово, Струмица и Битола -3 степени.

Најтопло беше во Охрид со измерени нула степени.

Најмногу дожд имаше наврнато во Демир Капија и Штип (шест литри на метар квадратен).

Најмногу снег има на Попова Шапка, каде утрово имаше 30 сантиметри снег.