Двоцифрен раст на депозитите и на вкупната кредитна поддршка

Вкупните депозити во банкарскиот систем во март пораснаа за 11,3%, додека кредитите се зголемија за 13,1% на годишно ниво, покажуваат податоците на Народната банка.

Растот на депозитите е поттикнат од домаќинствата и компаниите, со поголем придонес од граѓаните.

Кредитната активност продолжува да се засилува, главно под влијание на корпоративниот сектор. На месечно ниво, депозитите се зголемени за 1,8%, а кредитите за 1,4%, што укажува на континуиран раст на финансиската активност во економијата.