Прилепчани бараат градот да се изјасни за измените во Законот за минерални суровини
Прилепчани бараат градот да се изјасни за измените во Законот за минерални суровини и кумулативна студија за влијанието на експлоатацијата врз здравјето и животната средина. Претседателката Сиљановска Давкова вели дека клучот е во Уставот и Законот за животна средина …
Клучот за заштитата на животната средина не е во законите од енергетиката и за минералните суровини, туку е во Уставот и Законот за заштита на животната средина, смета претседателката Гордана Сиљановска Давкова.
На денешниот граѓански собир, дел прилепчани пак побараа Советот и градските власти да расправаат за предностите и маните на Предлог-законот за минерални суровини, но и да се донесе одлука за кумулативна студија како експлоатацијата на минералните суровини дејствува на човековото здравје и на животната средина. Прилеп, сметаат, е меѓу најзасегнатите со 34 концесии за експлоатација.
Преку 85 проценти од минералните богатства се во Прилепско.
Елизабета Митреска