Шест достапни лекови за лицата со ХАЕ

Од нивната насмевка и безгрижно однесување не може ни да помислите дека страдаат од Хередитарниот ангиоедем. Ретката болест доколку ги зафати дишните патишта може да биде животозагрозувачка. Нивните родители велат дека отоците по телото кои нема да се повлечат со лекови против алергија се веќе знак дека треба да се обратите на специјалист да се подложат на соодветни испитувања за да може да им се даде соодветна терапија. Но дел од нив иако мали свесни се за своето заболување.

Здравствените експерти сметаат дека донесувањето на стратегијата како и законско решение ќе значат комплетирање на правата и обврските на сите засегнати но и надлежните за превенција и справување со оваа болест. Претседателот на комисијата доктор Стојаноски уверува дека начинот на финансирање на три години е многу подобар од претходно.

Од ресорното министерство посочуваат дека пациентите треба да се спокојни затоа што секому му е овозможено да има со себе во секое време од потребните лекови.

Во земјава до сега со ваква болест се дијагностицирани 19 пациенти од кои две деца. Стојановски смета дека бројката на лица со оваа ретка болест е веројатно поголема но дека не им е поставена дијагноза. За тоа вели се прават напори за подобра едукација на сите чинители.

Фиљана Кока