Русија започна тридневни воени вежби со Белорусија

Во момент на посетата на рускиот врховен командант на Пекинг, Русија започна тридневни воени вежби со Белорусија за подготовка и употреба на стратешки нуклеарни сили. Според експерти, вежбите се тест на борбена готовност и порака до Западот.

Киев предупредува на можност од офанзива од Белорусија, додека Москва наведува дека ризиците од директен конфликт со НАТО се зголемуваат. Нападите во Украина продолжуваат, со жртви во Дњепар. Кремљ потврди дека американскиот пратеник Виткоф наскоро доаѓа во Русија.

Зеленски соопшти дека се одобрени планови за долгорочни напади врз Русија.

„Овој месец се случија промени во динамиката во наша корист. Задржуваме повеќе позиции и нанесуваме поголема штета. Влијанието на нашите долгорочни операции беше значајно. Ги одобри плановите за јуни и мора креативно да ги прошириме овие операции кои ја покажаа својата сила во мај“, изјави Володимир Зеленски – претседател на Украина.