Израел чекор поблиску до предвремени избори
Израелскиот парламент гласаше за распуштање, со што започна постапката за одржување предвремени парламентарни избори најдоцна до 27 октомври. Премиерот Бенјамин Нетанјаху се соочува со пад на поддршката, критики од коалициските партнери и обвинувања за корупција.
Кнесетот гласаше за распуштање, што е првиот чекор кон следните национални избори во Израел. Гласањето за новиот парламентарен состав треба да се одржи најдоцна до 27 октомври. Според анкетите, премиерот Нетанјаху би можел да ги изгуби изборите.
Ултраортодоксната еврејска фракција месецов рече дека веќе не го смета Нетанјаху бидејќи тој не го исполнил ветувањето дека нивната заедница ќе биде исклучена од задолжителниот воен рок.
Власта на Нетанјаху беше разнишана од ненадејниот упад на Хамас во Израел на 7 октомври 2023, што беше вовед во војната во Газа. Меѓу другото премиерот се соочува и со обвинувања за корупција. Главниот предизвикувач на Нетанјаху е Нафтали Бенет, кој го победи на изборите во 2021 и потоа кратко беше премиер.
Тој се здружи со лидерот на опозицискиот лев центар Јаир Лапид, формирајќи ја новата партија „Заедно“.