Се бара притвор за возачот по тешката сообраќајна несреќа на скопската обиколница

Јавното обвинителство донесе наредба за спроведување истражна постапка против косовски државјанин осомничен за тешки дела против безбедноста на луѓето и имотот во сообраќајот.

Оттаму велат дека поради околностите кои укажуваат на опасност од бегство и можност осомничениот да го повтори делото, јавен обвинител до судијата на претходна постапка доставил предлог за определување мерка притвор.

Оперскиот првенец Ристе Велков и тројца 20-годишници, меѓу кои и неговиот син, се четворицата загинати во тешката сообраќајна несреќа што се случи на скопската обиколница.

До трагедијата дошло откако 76-годишен возач на камион изгубил контрола, преминал во спротивната насока на автопатот, по што директно удрил во нивниот автомобил.