Национална стратегија за бездомните кучиња
Агенцијата за храна и ветеринарство крои нова Национална стратегија за проблемот со бездомните кучиња. Треба да понуди решенија според потребите на секој регион. Вклучени се општините, Ветеринарната комора, Ветеринарниот факултет, Министерството за животна средина и здруженијата за заштита на животните …
Улици полни со бездомни кучиња. Граѓаните бараат безбедност, активистите бараат хуман третман на кучињата. Експертите велат решението е во системски пристап и подигање на јавната свест.
Новиот Закон за благосостојба на животните ќе ги следи европските стандарди. Предвидени се казни до пет илјади евра за напуштање и мачење на миленик.
Источниот регион планира изградба на регионален стационар за бездомни кучиња.
Чипирањето е задолжително но и пријавување на секое ново легло кај ветеринар и во урбаните и во руралните средини.
Европските искуства за овој проблем се масовни стерилизации, задолжително чипирање и високи казни за неодговорно сопствеништво.
Славица Величковска