Претседателката Сиљановска-Давкова во официјална посета на Република Словачка

Претседателката Гордана Сиљановска-Давкова е во официјална посета на Република Словачка. Во Братислава, шефицата на македонската држава ќе биде пречекана со највисоки државни и воени почести од домаќинот, нејзиниот колега, Петер Пелегрини. Предвидено е претседателите да одржат тет-а-тет средба, по што ќе имаат и пленарен состанок на македонската и словачката делегација.

Претседателката ќе оствари средба и со претседателот на Националниот совет на Република Словачка, Рихард Раши, како и со потпретседателот на словачката владата и министер за одбрана, Роберт Калињак.