Битолските куглари со сребро од Светско првенство
Според младинскиот селектор ова е голем успех за нашата земја бидејќи по дванаесет години успеаја да го вратат сјајот на македонското кугларство...
Битолските кугларски репрезентативци од светското првенство во Австрија на Македонија и донесоа сребрени медали. Силната психолошка спремност, напорните тренинзи и чистата одлична игра во тандем икс и тандем беа клучни за овој значаен успех.
Според младинскиот селектор ова е голем успех за нашата земја бидејќи по дванаесет години успеаја да го вратат сјајот на македонското кугларство.
Михајловски нагласува дека имаме квалитетни кугларски репрезентативци за чиј развој потребно е континуирано вложување. Вели дека тешко оди бидејќи од 2013-та се чека деблокација на сметката на Македонската кугларска федерација неопходна за развој на овој спорт. Засега само битолската куглана ја има лиценцата за одржување на меѓународни натпревари.
Ружица Аџикотарева Ѓоршевска