СЗО: Над 1.300 смртни случаи поврзани со екстремните горештини
Европа се затоплува двојно побрзо од светскиот просек, а околу 150 милиони луѓе се изложени на опасно високи температури. СЗО повика земји итно да воведат мерки за заштита од топлотните бранови.
Светската здравствена организација предупреди дека од 21 јуни досега во Европа се регистрирани над 1.300 смртни случаи поврзани со екстремните горештини. Европа се затоплува двојно побрзо од светскиот просек, а околу 150 милиони луѓе се изложени на опасно високи температури. СЗО повика земји итно да воведат мерки за заштита од топлотните бранови.
„Екстремната топлина е една од најсериозните и брзорастечки закани за здравјето и безбедноста што ги претставуваат климатските промени и можат да станат голема опасност по здравјето на луѓето што присуствуваат на масовни собири и спортски настани“, рече Тедрос Аданом Гебрејесус, генерален директор на СЗО.
Во Германија и во Чешка се измерени над 41 степени, а Полска го надмина националниот температурен рекорд.