Се анализираат цените на 700 производи, се проверува дали маржите ја надминуваат границата од 15%
Институциите ја продолжуваат анализата на цените на околу 700 производи за да утврдат дали трговците ја надминуваат дозволената бруто-профитна маржа. По состанокот со трговците, неделава на разговори се повикани и производителите и добавувачите.
Фактура по фактура се анализираат цените на речиси 700 производи за да се утврди дали бруто-профитната маржа надминува 15 насто и што го предизвикува истото.
Откако надлежните одржале состанок со трговците, неделава ќе реферираат производителите и добавувачите со цел да се обезбедат пониски цени за граѓаните. Анализата се очекува да биде готова за еден месец.
Дурмиши оценува дека во услови на глобална економска неизвесност и ценовни притисоци, Владата соодветно реагирала за стабилизација на пазарот.
Заштита на животниот стандард на граѓаните, намалувањето на невработеноста, привлекување странски инвестиции, подобрување на деловната клима се најзначајните резултати, според министерот Дурмиши.
Од први јули важи мерката за намалување на царините за 70 суровини и репроматеријали кои се користат во домашната индустрија, што се очекува да даде позитивен ефект на домашната економија.
Александра Велинова