14 деца загинаа при уривање на училиште во Пакистан

Најмалку 14 деца загинаа, осум се повредени при уривање на покрив на училишна зграда во Лахор, Пакистан. Спасувачките екипи трагаат по можни преживеани, додека полицијата приведе две лица и отвори истрага.

„Повеќето од децата се на возраст од 8 до 11 години-момчиња и девојчиња. Поголемиот дел беа извлечени без пулс, а од болницата ја потврдија смртта на над 10 деца“, изјави Фарук Ахмед, службеник за спасувачка операција.

Вакви несреќи се чести во Пакистан поради непочитување на безбедносните стандарди и неквалитетна градба.