Еврокомесарката Марта Кос во посета на Скопје

Еврокомесарката за проширување Марта Кос доаѓа во Скопје, на средба со премиерот Мицкоски. Се очекува да го потврди напредокот во реформската агенда, но и да ја охрабри владата истото да го направи и во пристапните преговори, односно да ги спроведе уставните измени.

Кос вели дека Европската унија досега никогаш нема дадено гаранции на земја-кандидат дека нема да има никаков спор во процесот на преговори.

Покрај заедничката прес-конференција со премиерот Мицкоски, Кос ќе има средби и со вицепремиерот за европски прашања Беким Сали и со собранискиот спикер Гаши.