Русија и Украина продолжуваат со меѓусебни напади

Русија и Украина продолжуваат со жестоки меѓусебни напади, со жртви и повредени на двете страни. Додека руските сили ги гаѓаат логистичките центри во Суми и украинската пристанишна инфраструктура, Киев возвраќа со удари врз московскиот регион, каде гореа големи складишта. Украина првпат изведе борбена операција со дрон и копнен робот на руска територија.

Во меѓувреме, Зеленски продолжува со кадровски промени, назначувајќи го Рустем Умеров за шеф на надворешното разузнавање, кој останува и главен украински преговарач во разговорите со Русија.