115 средношколци од Скопје заминаа во Охрид на бесплатен едукативен камп
Во текот на престојот, учениците ќе учествуваат во научно-истражувачки работилници, едукативни предавања, интерактивни дискусии и тимски проекти, а предвидени се и културни, креативни и спортско-рекреативни активности.
115 средношколци од Скопје денеска заминаа за Охрид, каде ќе учествуваат во бесплатен наставно-научен едукативен камп. Преку научни работилници, предавања, тимски проекти, културни и спортски активности, учениците ќе имаат можност да стекнат нови знаења и вештини и да создадат нови пријателства.
Во текот на престојот, учениците ќе учествуваат во научно-истражувачки работилници, едукативни предавања, интерактивни дискусии и тимски проекти, а предвидени се и културни, креативни и спортско-рекреативни активности.
Посебен акцент ќе биде ставен на развојот на лидерските, комуникациските и презентациските вештини. Средношколците ќе работат во тимови, ќе разменуваат идеи и ќе имаат можност своите замисли да ги претворат во конкретни проекти.
Кампот има цел летниот период младите да го поминат на креативен и едукативен начин, поттикнувајќи ги љубопитноста, критичкото размислување, тимската работа и личниот развој.
Учесниците ќе имаат можност и да го запознаат културното и историското наследство на Охрид, како и да разменат искуства со врсници од други училишта.
Од 25 до 31 август во Охрид ќе престојува и втората смена, составена од дополнителни 115 средношколци.