Случај „Модуларни болници“: Мицкоски најавува истрага, Филипче бара извинување
Не му значи тоа што живи гореа 14 луѓе – Мицкоски со остри критики за одлуката на Абази да се затвори предметот за модуларните болници. Филипче вели – пет години ме нарекуваа убиец, Обвинителството ја кажа вистината. Побара извинување.
Одлуката на ОЈО ГОКК да не се отвори истрага за набавката на 19 модуларни болници за премиерот Мицкоски е скандалозна. Шефот на Владата во изјава за медиумите рече оти ова е обид на обвинителот во заминување Абази да се раздолжи со претходната власт и како што рече – нему не му значи ништо тоа што во модуларната болница во Тетово живи изгореле 14 луѓе. Но, премиерот е дециден – ако има нови докази, ќе има и истрага.
Лидерот на СДСМ и поранешен министер за здравство Венко Филипче, во чиј мандат се инсталираа модуларните болници, побара извинување од ВМРО-ДПМНЕ затоа што, како што рече, пет години го нарекувале убиец.
Обвинителството го затвори случајот поради немање докази. Анализите покажале дека не е сторено кривично дело за кое се гони по службена должност, односно модуларните болници биле легално купени.
Анита Димитријевска-Велковска