Истече рокот за кандидатури за наследник на Абази
Денеска ќе се чекаат и пријавите по пошта. Досега до Советот на јавни обвинители пристигнале пет кандидатури...
Истече рокот за пријавување кандидати за наследник на шефот на Обвинителството за гонење организиран криминал и корупција, Ислам Абази. Денеска ќе се чекаат и пријавите по пошта. Досега до Советот на јавни обвинители пристигнале пет кандидатури. За прв човек на обвинителството претендираат, обвинителите од вишото обвинителство Јован Цветаноски и Трајче Пеливанов, обвинителката од Скопското јавно обвинителство, Лидија Раичевиќ и обвинителите од Обвинителството за гонење криминал, Искра Хаџи Василева и Фатон Азизи. Абази, кому мандатот му завршува на 8-ми ноември, најави дека нема да бара втор мандат.
На 28-ми октомври, обвинителите на непосредни избори ќе гласаат за нов шеф на Обвинителството за гонење организиран криминал и корупција.