Девизните резерви над 5 милијарди евра, зголемување од 90,2 милиони евра за еден месец

Официјалните девизни резерви на крајот на август изнесуваат 5,101 милијарди евра, што претставува зголемување за 90,2 милиони евра во однос на јули, покажуваат најновите податоци на Народната банка.

Најголем дел од девизните резерви, односно 69,4 проценти, се пласирани во хартии од вредност.

Монетарното злато учествува со 17,2 проценти во вкупните девизни резерви, додека валутите и депозитите сочинуваат 13,4 проценти.

Со августовското зголемување, вкупната вредност на официјалните девизни резерви достигна 5.101 милион евра.