„Кора“ – нов фестивал на електронска музика во Кучково
На фестивалот ќе настапат околу 30 домашни, регионални и светски изведувачи. Програмата е конципирана како отворена платформа за современиот електронски звук, без жанровски ограничувања, со техно, електро, експериментални форми, синтисајзерски звуци и скршени ритми.
Зеленилото во селото Кучково денеска и утре ќе биде домаќин на првото издание на фестивалот за електронска музика „Кора“. Дводневниот настан, организиран од тимот на скопскиот клуб „Минус еден“, ќе понуди музичка програма надвор од вообичаениот урбан клубски простор.
На фестивалот ќе настапат околу 30 домашни, регионални и светски изведувачи. Програмата е конципирана како отворена платформа за современиот електронски звук, без жанровски ограничувања, со техно, електро, експериментални форми, синтисајзерски звуци и скршени ритми.
Меѓу меѓународните имиња се Matrixxman, Legowelt, кој ќе има настап во живо, Object Blue, Interstellar Funk и Adriana Lopez. Регионалната сцена ќе биде претставена со Nevena Jeremić, Little Lu, Sev-Dah и Undoo.
Значаен простор е отстапен и на домашните артисти, меѓу кои Stojche Cvetanovski, Herzel Live, Andrej Micajkov, Dushko Janevski, Vaso, Nastasya Kish, DJ Chvare, Diah, Bodan Jamakoski, L.O.V.D., Double G, Ivana Dragsiq, UX, Daphunk, Iman Yam, Dejan Dex, Chrisot, Martina Peneva, Martin Vojdanovski, Tomi Bojadzi, Shef Shef и Egorius.
Организаторите најавуваат дводневно музичко искуство во природа, со кое целта е да се поврзат различни генерации и музички правци и да се понуди нов простор за публиката што ја следи електронската сцена.