Продолжува кампањата за вонредните локални избори за градоначалник на Брвеница

Продолжува изборната кампања за предвремените локалните избори во општина Брвеница. Кандидатите ги презентираат своите изборни програми за градоначалници.

Кандидатот на ВМРО-ДПМНЕ за Брвеница најавува изградбата на инфраструктурни проекти и проект за рурален развој.

Обновување и проширување на водоводната мрежа, решавање на проблемот со вода во Гургурница, пречистителна станица за Милетино, Челопек, Брвеница и Долно Седларце, стои во програмата на кандидатот на СДСМ.

Програмата на „Вреди“ се базира на четири столбови, и по четири проекти за 10 села во општината. Еден од нив се однесува на младите и нивните можности за иднината.

Кандидатот на ДУИ вели дека има визија за реализација на конкретни капитални инвестиции и обезбедување еднакви услови и можности за секое населено место во рамките на општина Брвеница

Независниот кандидат Душан Богдановски пак ветува подобрување на условите за живот во општината

Во трката за градоначалник учествува и независната кандидатка Арифе Идризи, од којашто не добивме повратен одговор на барањето за изјава.

Игор Панов