Дарио Ивановски и Адријана Поп Арсова државни прваци во маратон

Во рамки на вчерашната маратонска трка на Виз Ер Скопски маратон се одржа и Државното првенство во маратон, на кое најдобрите македонски натпреварувачи се закитија со титулите државни прваци.

Кај мажите, очекувано, првото место му припадна на Дарио Ивановски со време од 2:13:48 часа.

Втор заврши Жан Тосев со време 2:28:32 часа, додека третото место го освои Александар Арсов со време 2:29:17 часа.

Кај жените најуспешна беше Адријана Поп Арсова, која маратонската трка ја заврши со време од 2:49:37 часа.