Седлоски пред дуелот со Швајцарија: Мора да ги надминеме грешките од првиот меч

Македонската фудбалска репрезентација денеска повторно ќе се соочи со Швајцарија, десет дена по првиот меѓусебен дуел во Скопје. Селекторот Гоце Седлоски очекува реакција од фудбалерите и подобра игра во однос на претходниот натпревар.

Седлоски посочува дека македонскиот тим мора да ги поправи грешките од првиот меч и да одигра колективно против, како што вели, силната швајцарска репрезентација.

Селекторот потврди дека сите фудбалери се подготвени и најави промени во составот поради густиот распоред и четирите натпревари во период од 12 дена.

Тој посочи дека сите повикани играчи ќе добијат шанса, вклучително и помладите фудбалери, од кои очекува напредок од натпревар во натпревар.

Седлоски додаде дека критиките треба да бидат насочени кон него, додека фудбалерите во овој момент треба да ја имаат потребната поддршка.