Брвеница избира нов градоначалник

Жителите на Општина Брвеница утре ќе гласаат за нов градоначалник на предвремените локални избори.

Според податоците на Државната изборна комисија денеска гласаат 88 болни и изнемоштени лица.

Во трката за прв човек на општината учествуваат шестмина кандидати, зад кои стојат четири политички блока, а на гласачките ливчиња се наоѓаат и имиња на двајца независни кандидати.

Во Избирачкиот список, во десетте населени места во Општина Брвеница, се регистрирани вкупно 16.256 гласачи.

Утрешните ибори ќе започнат во 7 часот, а граѓаните ќе може своето демократско право на глас да го искористат до 19 часот.

Предвремените локални избори следуваат откако поранешниот градоначалник на Брвеница - Јовица Илиевски почина во јуни годинава.