Назначени нови директори и функционери

Владата назначи нови директори и функционери. Предложи и нови амбасадори, три месеци по јунскиот оглас за вработувања на раководни позиции. За голем дел од раководните позиции постапката за избор е во завршна фаза.

Именувани се директорот на Спортскиот центар Борис Трајковски, Златко Перински, на Агенцијата за лекови, Марија Дарковска-Серафимовска, државниот секретар во Министерството за финансии, Игор Димитров, државниот секретар во Министерството за локална самоуправа, Билјана Цветановска-Гуговска, државен секретар во МНР е Елена Кузмановска, државен секретар во Министерство за транспорт и врски, Владо Мисајловски, државен секретар во Министерството за економија Анета Димовска, во Министерството за образование и наука, Елизабета Тодоровска.

Портпаролот Александар Ѓорѓиев вели дека веќе е направен избор и на неколку нови амбасадори, но не ги соопшти имињата.