Реконструкција на плоштадот во Струмица
Струмичкиот плоштад, изграден пред 16 години, ќе се реконструира. Граѓаните бараат во центарот на градот и повеќе зелени површини. Локалната власт ги чека новите идејни архитектонски решенија, за што распиша и јавен повик, по што ќе следи изработка на проектна документација.

Се бара ново архитектонско решение за реконструкција и урбан дизајн на плоштадот во Струмица. Граѓаните сметаат дека е потребно реновирање на оваа површина со дополнителни содржини. Приоритет за нив е замена на гранитните плочки и повеќе зеленило.
Идната година, со буџетски средства, ќе се изврши замена на плочките на струмичкиот плоштад, а во меѓувреме се чекаат и новите идејни решенија, од кои ќе произлезе и основен проект за реконструкција на струмичкиот плоштад.
За Деталниот урбанистички план за централното градско подрачје се расправаше и пред неколку години, кога граѓаните ја отфрлија идејата за изградба на карневалски музеј.
Ване Трајков
