Земјоделствo по реони од идната година
Идната година ќе се знае кои површини се погодни за одредени земјоделски култури. Врз основа на таканаречените почвени карти, регионални планови за производство ќе ги изготвуваат и државата и земјоделците...
Единствено во регионов Македонија нема релевантни податоци за почвата. Садењето на земјоделските култури често е по желба или потребите на пазарот, а не според видот на земјиштето.
Со изработката на почвената мапа, од идната година ќе се планира видот и обемот на земјоделското производство, површините за одредени култури, ризикот од суша и плановите за рурален развој.
Се размислува и субвенциите да се поврзуваат со почвените и климатските карактеристики за окрупнување на земјоделството, преку реонизација на производството.
Методија Трајков