Општина Илинден ќе ја обновува патната инфраструктура
Вложувањата во патната инфраструктура ќе придонесат за одржлив економски и социјален развој – велат надлежните...
100 милиони денари ќе вложи општина Илинден за реконструкција и рехабилитација на патната инфраструктура. Вложувањата во патната инфраструктура ќе придонесат за одржлив економски и социјален развој – велат надлежните.
Градоначалникот Жика Стојановски истакна дека интензивните инвестиции и вложувања во квалитетна патна инфраструктура, придонесуваат за одржлив локален економски и социјален развој, обезбедување на поволни услови за влез на домашни и странски инвестиции, подобрување на условите за живот и животниот стандард, конкурентност и овозможување на квалитетен живот на сите учесници во локалната заедница.
Според надлежните, еден од приоритетните области за развој на Општина Илинден е подобрување на локалната патна инфастурктура, изградба, реконструкција и рехабилитација на општинските улици и патишта, подобрување на инфраструктурата во локалните економски зони и стопанските комплекси, изградба на мостови, пешачки и велосипедски патеки.