Нови правила за означување на храната

Од 13-ти декември 2014-та во земјите членки на ЕУ се применуваат нови правила за означување на храната кои се однесуваат на операторите со неа. Целта е да се обезбеди  високо ниво на заштита на здравјето на потрошувачите. Новата регулатива важи и за сите домашни фирми кои извезуваат во ЕУ, а кај нас ќе се применува од јули годинава.

Агенцијата за храна и ветеринарство изработи посебен водич, кој нуди детални информации за сите новини во Законот за безбедност на храна. Новата регулатива  предвидува прехранбените производи, освен задолжителните информации за состојките, количеството, земјата на потекло, упатство за употреба, да има и важни дополнителни информации кои се од интерес за здравјето на потрошувачите.

Непочитувањето на регулативата за означување на храната повлекува казни за операторите кои можат да достигнат до 5.000 евра.

Свето Николовски