Обемот на светските девизни резерви се намалува

Доларот лани ја зајакна позицијата на доминантна светска валута. Анализите на ММФ, говорат дека уделот на доларот во светските резерви се зголемил до петгодишен максимум и достигнал 63%, додека учеството на еврото паднало на само 22%, односно   минимумот забележан во 2002 година.

Се намалува и вкупниот обем на светските девизни резерви, а овој тренд повлекува и намалување на побарувачката за обврзници на емисионите банки на САД и на ЕУ.

Според агенцијата „Блумберг“, завршува интересот на светските Централни банки за доларот кој доминира во последните 100 години. Вкупниот обем на светски девизни резерви паднал за 400 милијарди долари и сега изнесува 11,6 трилиони, што е намалување од рекордното ниво од 12,03 трилиони забележано во август 2014-та.

Во минатата деценија централните банки, меѓу кои најмногу на Кина и на Русија, ги билдаа своите девизни резерви во просек за 824 милијарди долари годишно. Падот, како што велат аналитичарите можеби е преценет, бидејќи енормниот раст на доларот ја симна вредноста на другите валути, но факт е дека се намалува интересот за зголемување на девизните резерви во светот, предизвикано од глобалната финансиска криза.

Свето Николовски