Продолжениот викенд ги распродаде туристичките аранжмани

Будимпешта, Прага, Рим, Истанбул, Атина. Ова се најатрактивните туристички дестинации што ги одбраа граѓаните за првомајските празници. Продоллжениот викенд е причина плус за пораст на уплатите на аранжманите, велат туристичките работници. Оваа година, како ретко кога, најмногу се продаваат авионските тури.

Гробот и замокот на Дракула како и безвремено атрактивните дворци на романските кралеви се секогаш актуелни за први мај.

Во Катланово, Матка, на врбот на Водно – во петок се очекува овие точки да бидат преполни со луѓе. 

Охрид, Берово, Дојран и Преспа се дестинации што ги избираат домашните туристи кои за празникот остануваат во државата. Не помалку атрактивни се винските тури, манастирските комплекси и планинските центри.

Анита Димитријевска