Нема договор меѓу средношколците и МОН

Средношколците повторно имаа средба во министерството за образование. Нема договор. Надлежните предложиле уште една година да се полага матура по стариот модел и да се формираат работни групи кои ќе работат на новиот концепт за следната генерација матуранти.

„Ние веќе имаме оформено работна група која го има разгледано концептот за државна матура и го има разгледано правилникот за екстерно тестирање и ние доаѓаме овде со конкретни предлози, а не доаѓаме со замисла да правиме некакви работни групи кои ќе траат со години. Ние доаѓаме со конкретни предлози, конкретни решенија на проблемот“, изјави Дејан Трајковски - претставник на средношколците.  

Надлежните неколкупати ги повикаа родителите да ги вратат децата на настава, бидејќи нивното место е во училишните клупи.