Конгресната група пријатели на Македонија доби четири нови членови

Обединетата македонска дијаспора (ОМД) соопшти дека конгресменот Пол Кук, републиканец од Калифорнија, конгресменот Дон Бејер, демократ од Вирџинија, конгресменот Курт Клосон, републиканец од Флорида и конгресменот Брендон Бојл, демократ од Пенсилванија, се приклучија во Конгресната група пријатели на Македонија и Американци со македонско потелко, со што оваа група сега брои 24 конгресмени, т.е. 6 повеќе од почетокот на оваа година.

„Овој успех е производ од зголемениот активизам на американците со македонско потелко како и растечката поддршка од членови на американскиот Конгрес кои ја разбираат важноста на односите помеѓу САД и Македонија. Пристапувањето на четирите нови конгресмени кон оваа група претставува подобрување на можностите да се обезбеди објективен дијалог за прашања од значење за Македонија и американци со македонско потелко“, изјави претседателот на ОМД, Методија А. Колоски.

Конгресната група пријатели на Македонија и Американци со македонско потелко има членови од 14 од вкупно 50 сојузни држави во САД и еден федерален дистрикт, а 13 се републиканци, 11 демократи.