ВМРО-ДПМНЕ: СДСМ и Заев не сакаат избори

Во врска со ставот на СДСМ, извршниот комитет на ВМРО-ДПМНЕ на вчерашната седница заклучил дека во натамошните разговори нема простор за нови отстапки, особено не во делот на организацијата на владата што треба да ги подготви наредните избори.

ВМРО- ДПМНЕ смета дека СДСМ беше неодговорен за време на преговорите, дека не сака избори во април 2016-та поради очигледниот тежок пораз што ги очекува. Во ВМРО- ДПМНЕ сметаат дека СДСМ, покрај политичката, посакува и економска криза со краен резултат на губење на препораката за почнување на преговори со ЕУ.

Незаконски стекнатите и монтирани материјали на СДСМ се пречка за учеството на ВМРО- ДПМНЕ на преговорите бидејќи според оваа партија, СДСМ ја манипулира јавноста.

Уште еднаш ВМРО- ДПМНЕ потврдува дека е подготвена да го спроведе договорот од 2-ри јуни, но дека нема да продолжи со отстапките кон СДСМ и нема да прифати промена на премиер и министри.